Doganat bllokojnë 40911 copë veshje “fake” dhe 10650 kg çamcakëza “Orbit” të falsifikuar (Publikuar dt. 15/11/2024)

Nga fillimi i vitit 2024, Administrata Doganore, si institucion ligjzbatues përsa i përket mbrojtjes së të drejtave të pronësisë intelektuale, ka pezulluar për çlirimin në qarkullim të lirë 40911 copë veshje të ndryshme dhe aksesorë, të cilat dyshohej se shkelnin pronësinë intelektuale të markave tregtare të Louis Vuitton, Moncler, Lacoste, Tommy Hilfiger, Channel, Adidas, Prada, Emporio Armani, Calvin Klein, Miu Miu, Nokia etj., për të cilat ka një aplikim për veprim të miratuar pranë Autoritetit Doganor.
Gjithashtu, vlen të përmendim se gjatë vitit 2024, ADSH, ka pezulluar 10650 kg çamcakëza të importuar nga Kina, të markës tregtare “Orbit”, të cilat u konfirmuan nga mbajtësi i së drejtës, se ishin të falsifikuar dhe mund të rezultonin shumë të dëmshëm për shëndetin e konsumatorit shqiptar.