Dogana Shqiptare merr pjesë në Konferencën “Aleanca e Grave në Uniformë 2024” (Publikuar dt. 01/11/2024)

Dogana Shqiptare ishte pjesë e Konferencës “Aleanca e Grave në Uniformë 2024”, nismë e Ambasadës së Britanisë së Madhe në Shqipëri që u zhvillua për të dytin vit radhazi në Tiranë.

Konferenca këtë vit trajtoi tema që lidhen me barazinë gjinore në strukturat e zbatimit të ligjit dhe mbështetjen e kësaj çështjeje në vendet e Ballkanit Perëndimor.

Znj. Aida Dizdari, kryetare e Degës Doganore Shkodër, e cila mbajti një fjalim në këtë event, theksoi se, fuqizimi i grave dhe përfshirja e tyre në vendimmarrje janë hapa të domosdoshëm për ndërtimin e një shoqërie më të drejtë dhe gjithëpërfshirëse.

Sëbashku do të vazhdojmë të punojmë për një të ardhme më të barabartë për gratë në administratë dhe në çdo fushë tjetër të jetës.

“Aleanca e grave në uniformë” është nismë e Ambasadës së Britanisë së Madhe në Shqipëri në bashkëpunim me Doganën Shqiptare, Ministrinë e Brendshme, Ministrinë e Mbrojtjes dhe Ministrinë e Drejtësisë.