Vizitë studimore në Institutin Poligrafik Zecca Dello Stato, Romë

Në bazë të Memorandumit të Bashkëpunimit midis Administratave Doganore të Shqipërisë, Italisë dhe Guardia di Finanza, firmosur në Tiranë më 4 prill 2024 dhe në vijim të zbatimit të planit të veprimit të ndërsjelltë, një delegacion i nivelit të lartë i Ministrisë së Financave, Drejtorisë së Përgjithshme të Doganave dhe Shtypshkronjës së Letrave me Vlera zhvilluan një vizitë studimore tek Instituti Poligrafik “Zecca dello Stato” në Romë.

 
Ky Institut në varësi të Ministrisë së Financave të Italisë është një strukturë e fuqishme, protagoniste e inovacionit digjital që dizenjon dhe prodhon letrat me vlerë për shtetin Italian.

 
Arsyeja e kësaj vizite është vendosja e urave të bashkëpunimit ndërinstitucional me këtë Institut, pasi duke filluar nga data 1 janar 2025, pulla fiskale si letër me vlerë dhe monopol shtetëror do të prodhohet dhe do të shpërndahet nga një subjekt i autorizuar nga Këshilli i Ministrave, një eksperiencë e ngjashme me atë të Italisë.