Drejtoria e Përgjithshme e Doganave mer pjesë në sesionin e Këshillit të SELEC

Drejtoria e Përgjithshme e Doganave mer pjesë në sesionin e Këshillit të SELEC, miratohet kërkesa e BKH si partner operacional 

Drejtoria e Përgjithme e Doganave mori pjesë në sesionin e 24-të të Këshillit të SELEC (Southeast European Law Enforcement Center) që u mbajt më 30 maj 2024 në selinë e SELEC në Bukuresht/Rumani. Në këtë sesion morën pjesë anëtarë të Këshillit nga të gjitha shtetet anëtare të SELEC, Partnerëve Operacionalë, Vëzhguesve si dhe Menaxhmentit të SELEC, Oficerëve Ndërlidhës dhe anëtarët e Shtabit.

Sipas procedurës së rotacionit alfabetik, Kryesia e Këshillit i takonte Bosnje-Hercegovinës, mbledhjen e kryesonte z. Sanjin ŠAKIĆ, Shef i Departamentit për Bashkëpunim Ndërkombëtar, Ministria e Brendshme e Republikës Srpska.

Ndërsa viti 2024 shënon 25 vjetorin e SELEC, Dr. Oğuz Serkant AKIN, Drejtor i Përgjithshëm i SELEC, përshëndeti pjesëmarrësit dhe prezantoi arritjet e vitit të kaluar, duke shprehur vlerësimin për kontributin e të gjitha autoriteteve dhe personave në suksesin e SELEC.

Raporti i SELEC për vitin 2023 u prezantua nga znj. Tanja LEVAJKOVIKJ, Drejtore për Çështjet Ligjore dhe të Brendshme, si dhe nga z. Romulus N. UNGUREANU, Drejtor për Operacionet. 

Versioni publik i këtij raporti është i disponueshëm këtu: https://www.selec.org/wp-content/uploads/2024/05/Activity-Report-2023.pdf.

Krahas çështjeve buxhetore, një temë e rëndësishme në rendin e ditës së seancës ishte kërkesa e Byrosë Kombëtare të Hetimit të Shqipërisë për t'u bërë Partner Operacional i SELEC, kërkesë e cila u miratua nga Këshilli.

Këshilli është organi më i lartë vendimmarrës i SELEC, ipërbërë nga përfaqësues të nivelit të lartë të Shteteve Anëtare të SELEC.