Nis sot në Tiranë takimi i parë teknik mes Administratave Doganore të Shqipërisë, Italisë dhe Guardia di Finanza (Publikuar dt. 21/05/2024)

Në vijim të nënshkrimit të Memorandumit të Bashkëpunimit mes Administratave Doganore të Shqipërisë dhe Italisë dhe të Guardia di Finanza, si dhe përcaktimit të fushave të fokusimit dhe mënyrave praktike për zbatimin e bashkëpunimit ndërmjet palëve, starton sot në Tiranë takimi i parë i përbashkët i ekspertëve të këtyre tre agjensive.

Përmes aktiviteteve të paracaktuara, ekspertët e doganave italiane dhe të Guardia di Finanza do të kenë në fokusin e këtij misioni menaxhimin e riskut, duke prezantuar aspekte dhe koncepte të gjera teorike, si dhe mjetet e menaxhimit të riskut, vlerësimin e mangësive dhe nevojave, apo monitorimin e procedurave ekzistuese në zyrat doganore shqiptare si në nivel qendror ashtu edhe në atë operacional.