Drejtori i Përgjithshëm i Doganave takohet me drejtues të UNCTAD (Publikuar dt. 12/03/2024)

Drejtori i Përgjithshëm i Doganave Z. Genti Gazheli zhvilloi një takim me drejtues të Programit Asycuda të UNCTAD, z. Fabrice Millet, drejtuesi i Programit, z. Dmitry Godunov, koordinator rajonal, z. John David, drejtor i zhvillimit të programit dhe z. Constantin Ciuta, menaxher zyre i programit Asycuda, etj..

Drejtori i Përgjithshëm Z. Gazheli, shprehu vullnetin e Administratës Doganore Shqiptare për zhvillime të reja, të vazhdueshme dhe të qëndruese të sistemit informatik doganor në përputhje me standardet e Bashkimit Evropian(BE) që përfshijnë tranzitin koumunitar, vendimet doganore, deklarimin e thjeshtuar.

Drejtori i Përgjithshme i Doganave nënvizoi rolin e zhvillimeve të teknologjisë së informacionit për uljen e kohës së procedurave doganore për biznesin dhe individët duke nxitur ndërveprimet me institucionet e tjera si Autoritetin Kombëtar të Ushqimit, Postën Shqiptare, Drejtorinë e Përgjithshme të Shërbimit të Transportit Rrugor etj.

Drejtuesit e UNCTAD shprehën gatishmërinë dhe vullnetin në mbështetje të kërkesave të ADSH me qëllim modernizimin e sistemit informatik doganor në përputhje me standardet e BE-së.