Drejtori i Doganave, Genti Gazheli takohet me Drejtorin e SELEC, Oğuz Serkant Akın (Publikuar dt. 06/03/2024)

Drejtori i Përgjithshëm i Doganave, Genti Gazheli, priti ditën e sotme Drejtorin e Përgjithshëm të Qendrës për Zbatimin e Ligjit në Europën Juglindore (SELEC), Oğuz Serkant Akın.

Në fokus të këtij takimi ishte bashkëpunimi i mëtejshëm i Administratës Doganore Shqiptare me organizatën ligjzbatuese SELEC, në kuadër të luftës kundër krimit të organizuar ndërkufitar, si dhe në drejtim të shkëmbimit të informacionit dhe inteligjencës kriminale.

Dy drejtuesit e institucioneve diskutuan edhe në lidhje me koordinimin e hetimeve të përbashkëta, si dhe lehtësimin e shkëmbimit të informacionit mes 11 shteteve anëtare të SELEC.

Në kuadër të aktiviteteve operacionale të SELEC, Shqipëria e cila drejton Task-Forcën Anti-Mashtrim dhe Anti-Kontrabandë, ka koordinuar deri më tani 4 operacione rajonale (Operacioni Eclipse, Operacioni Know-How, Operacioni Eclipse II dhe Operacioni Know-How II).