Gazheli takim me DHAT: Lehtësitë e procedurave doganore në shërbim të biznesit

Drejtori i Përgjithshëm i Doganave, Genti Gazheli, mori pjesë në forumin “DOGANAT DHE BIZNESI në vitin 2023”, organizuar nga Dhoma Amerikane e Tregtisë.

Fokusi i takimit ishte diskutimi mbi faktet dhe shifrat konkrete që tregojnë se marrëdhëniet biznes-dogana janë përmirësuar ndjeshëm gjatë viteve të fundit, por sigurisht gjithmonë ka hapësira për përmirësime të mëtejshme drejt një dogane moderne në standartet e BE apo SHBA-së.
Kreu i Doganave, Gazheli bëri një prezantim të zhvillimeve të rëndësishme të digjitalizimit të shërbimeve doganore, lehtësive për bzinesin, aplikacionet e reja që do të prezantohen në kohë reale, por edhe aspekte të raporteve biznes-dogana të cilat janë në një stad shumë pozitiv.
Gjatë këtij Forumi u diskutuan një sërë temash si, metodikat e vlerësimit, ose “referencat”, të cilat u duke marrë në konsideratë ndjeshmerinë që ka përdorimi i tyre nga dogana si dhe rekomandimet e OBD për rritjen e standarteve të vleresimit, DPD ka marrë masa organizative me synim reduktimin sa më shumë të jetë e mundur përdorimi i tyre.
"Për periudhën Janar-Maj 2023 është regjistruar shifra më e lartë e përdorimit të transaksionit në 97 % duke konfirmuar realizimin e e një ndër prioriteteve tona në strategjinë e faciliteteve ndaj biznesit", tha Gazheli.
Gazheli vlerësoi se mjaft problematika që ka patur biznesi, tashmë kanê marrë zgjidhje edhe falë koordinimit të dy administratave Tatime - Dogane.
Drejtori i Doganave theksoi si shumë të rëndësishëm procesin e modernizimit dhe dixhitalizimit të Administratës Doganore.
"Jam i bindur se sistemet e teknologjisë së informacionit janë instrumenti më efikas në thjeshtimin, lehtësimin dhe uljen e kostos së biznesit por dhe në luftën kundër evazionit dhe korrupsionit, tha Gazheli, ku shtoi, se
aktualisht ofrojmë 100 % të shërbimeve online duke shtuar edhe 4 aplikacione të reja, të cilat sot do t’ju prezantohen në kohë reale për të parë funksionimin".
Drejtori Ekzekutiv i DHAT, Neritan Mullaj vlerësoi bashkëpunimin me Doganat si institucioni me shkallën më të lartë të vlerësimit në indeksin e besimit të biznesit si dhe angazhimin e Drejtorisë së Doganave në zgjidhjen e kërkesave të anëtarëve të Dhomës Amerikane tê Tregtisë.
Gjithashtu kreu i Doganave ftoi gjithë sipërmarrjen që aderon pranë DHAT të aplikojnë për statusin “Operatorë Ekonomikë të Autorizuar”.