Gazheli vizitë pune në kompaninë Everest: Aplikoni për statusin AEO (Publikuar dt. 18/02/2023)

Drejtori i Përgjithshëm i Doganave, Genti Gazheli, zhvilloi një vizitë pune në kompaninë "Everest", që ushtron aktivitetin ekonomik në Tiranë, ku e ftoi për të aplikuar për statusin Operator Ekonomik i Autorizuar( AEO) .

Sa i përket statusit OEA, kompania që aplikon për këtë status, përfiton një trajtim i favorshëm dhe prioritar në vlerësim të riskut dhe kontrolleve doganore, si dhe akses në përdorimin e të gjitha thjeshtimeve dhe lehtësive që parashikon legjislacioni doganor.

"Everest" është kompani shqiptare që prodhon dhe eksporton profile alumini, profile plastike, fasada ndërtesash dhe pjesë për automotivët. Aktualisht është exportues më i madh tregun Europian dhe Shtetet e Bashkuara te Amerikes .
Aktualisht në vendin tonë kanë marrë statusin e AEO-së 9 biznese, ndërkohë që ka disa të tjerë në proces.

Njohja reciproke e Operatorëve Ekonomikë të Autorizuar nga autoritetet doganore në të gjitha vendet e rajonit konsiderohet një mundësi e madhe për zhvillimin e biznesit në tregun rajonal dhe në të ardhmen dhe më gjerë në atë europian.