Java e CEFTA : Të zgjerohen Korridoret e Gjelbërta CEFTA-TCT me Bashkimin Evropian (Publikuar dt. 09/12/2022)

Java tradicionale e CEFTA-s po mbahet këtë vit në Bruksel, ku në fokus është bashkëveprimi i politikës tregtare, integrimi rajonal, duke u përqëndruar në rëndësinë e lehtësimit të tregtisë në rajon dhe ndërlidhjet midis tregtisë dhe bashkëpunimit mes komunitetit të biznesit.

Drejtori i Përgjithshëm i Doganave, Genti Gazheli, po merr pjesë në konferencën qendrore të CEFTA, “ Një hap drejt Tregut Unik të BE-së”, që u mbajt këtë të premte, më 9 dhjetor, ku Administratat doganore të Bosnjë-Hercegovinës, Kroacisë dhe Malit të Zi do të nënshkruajnë Memorandume Mirëkuptimi, duke zgjeruar më tej Korridoret e Gjelbërta CEFTA-TCT me Bashkimin Evropian.

Këtë konferencë e përshëndetën dhe Komisioneri për Zgjerimin dhe Fqinjësinë e Mirë, në KE, Oliver Varhelyi dhe drejtorja në Detyrë e departamentit të Zgjerimi, Michela Matuella.

Zgjerimi i iniciativës drejt vendeve anëtare të BE-së filloi në korrik të këtij viti me vendosjen e shkëmbimit elektronik të të dhënave ndërmjet Maqedonisë së Veriut dhe Greqisë dhe vazhdoi në shtator me vendosjen e Korsive Blu ndërmjet Shqipërisë, Malit të Zi dhe Italisë. Nisma mundëson përshpejtimin e procedurave doganore dhe formaliteteve të tjera në vendkalime dhe lehtëson eksportin e CEFTA-s, pasi sistemi SEED+ lidh administratat doganore të Palëve CEFTA dhe Bashkimin Evropian.