Gazheli në Forumin e Konektivitetit në Selanik: Të angazhuar për lehtësimin e procedurave doganore në Rajon (Publikuar dt. 08/07/2022)

Drejtori i Përgjithshëm i Doganave, z.Genti Gazheli mori pjesë në Forumin e Konekivitetit në Selanik, një aktivitet i rëndësishëm mbi bashkëpunimin mes Bashkimit Evropian dhe vendeve të rajonit, me pjesëmarrjen e përfaqësuesve të lartë të Komisonit Evropian, Ministrive të Transportit dhe Administratave Doganore.

Qëllimi kryesor i Forumit është lehtësimi dhe rritja e tregtisë mes vendeve, ulja barrierave për lëvizjen e lirë të mallrave dhe harmonizimi rregullave dhe procedurave me EU acquis për aksesin e vendeve të rajonit  në tregun e përbashkët evropian.

Në fjalën e tij  z.Gazheli nënvizoi rolin lehtësues të doganave në importin e produkteve mjekësore dhe vaksinave nëpërmjet korridorit të gjelbër si histori suksesi e bashkëpunimit rajonal doganor në kushtet e pandemisë Covid -19.

Drejtori i Përgjithshëm të Doganave, theksoi se “Shqipëria është e angazhuar në bashkëpunim me CEFTA në projektin e shkëmbimit të informacionit të mallrave para mbërritjes, duke rritur ndërveprimin me administratat doganore të 6 vendeve të Ballkanit perendimor mundësuar nga SEED (Systematic Exchange of Electronic Data)”.

Drejtoria e Përgjithshme e Doganave ka ndërmarrë masat e duhura në drejtim të nxitjes së tregtisë nëpërmjet Korridoreve të Gjelbërta me vendet e rajonit dhe vendet kufitare antare të Bashkimit Evropian. Si eksperiencë pozitive në Forum u diskutua për Linjat e Gjelbërta me Maqedoninë e Veriut dhe Serbinë nëpërmjet saj, në kuadër të Nismës së Ballkanit të Hapur për njohjen reciproke të Operatorëve Ekonomikë të Autorizuar ndërkohë që e njëjta marrëveshje është dakordësuar teknikisht edhe me Doganat e Kosovës.

Gjatë këtij Forumi, z. Gazheli zhvilloi takime dypalëshe me Administratat Doganore të Italisë dhe Greqisë, ku u diskutua për zgjerimin e bashkëpunimit, shkëmbimit e informacioneve dhe lehtësimin e procedurave doganore.