Shqipëri-Kosovë, nënshkruhet Memorandumi për njohjen reciproke të plumbceve (Publikuar dt. 17/06/2022)

Në kuadër të mbledhjes së rradhës së përbashkët të Qeverive të Shqipërisë dhe Kosovës, dhe të thellimit të bashkëpunimit në fushën doganore, sot në Morinë, u nënshkrua Protokolli i Bashkëpunimit mes Administratave Doganore për njohjen reciproke të plumbceve.

Nënshkrimi i Memorandimit u bë nga Drejtorët e Përgjithshëm të Doganave të Shqipërisë z. Genti Gazheli dhe të Kosovës z. Agron Llugaliu.

 Z.Gazheli theksoi se Memorandumi është në vijim të Marrëveshjeve dhe Protokolleve të bashkëpunimit në fushën doganore dhe pritet të krijojë lehtësira për biznesin në kalimin transit të mallrave.

 Sipas Memorandumit të nënshkruar:

 Kamionat që janë tranzit midis dy vendeve nuk do të ri- plumbosen në pikën e kalimit të përbashkët kufitar në Morinë/Vërnicë. Nëse kamioni niset nga Kosova për Shqipëri dhe anasjelltas do të jenë të nevojshme vetëm plumbosja në zyrën nisëse të Kosovës ose të Shqipërisë.

 Sistemet elektronike të dy administrative doganore janë zhvilluar dhe përshtatur në të njëjtat module të plumbceve. 

 Njohja e plumbceve nga dy administratat doganore do të zvogëlojë kohën e qëndrimit të mjeteve në pikën e kalimit Morinë/Vërnicë.