Drejtori i Përgjithshëm i Doganave takon misionin e Bankës Botërore për ecurinë e projekteve për lehtësimin e biznesit në import, eksport dhe tranzit (Publikuar dt. 24/05/2022)

Drejtori i Përgjithshëm i Doganave Z. Genti Gazheli, zhvilloi një takim me Misionin e Bankës Botërore të kryesuar nga z. Alberto Criscuolo, në kuadër të projektit për Lehtësimin e Tregtisë dhe Transportit në Ballkanin Perendimor dhe nismën “Ballkan i hapur.

Takimi i nivelit të lartë vlerësoi bashkëpunimin e vazhdueshëm dhe shumë konstruktiv me Drejtorinë e Përgjithshme të Doganave, si në nivelin menaxherial ashtu edhe atë teknik ku Drejtori i Përgjithshëm shprehu të gjithë angazhimin e tij personal dhe të stafit që ai drejton në funskion të realizimit me sukses të këtyre projekteve prioritare me ndikim në rritjen e cilesisë së shërbimit të dixhitalizuar në Dogana.

Në fjalën e tij Z. Gazheli vlerësoi lehtësitë që ofron projekti në dhënien e certifikatave, licensave apo autorizimeve për subjektet që kryejne import, eksport dhe transit në Shqipëri që e kanë të domosdoshëm këto dokumenta. “Është një sistem që do të lehtësojë shumë: që nga faza e Aplikimin deri në atë të Miratimit të këtyre dokumentave në shërbim të bisnesit por dhe të procedurës doganore gjithashtu, duke shkurtuar kohën dhe pengesat e deritanishme të këtyre procedurave”, theksoi z. Gazheli.

Lidhur me projektin e ri për Tranzitin e Kompjuterizuar Ndërkombëtar (New Computerized Transit System (NCTS), z. Gazheli theksoi se do ta vendosi Shqipërinë apo Pikat kufitare Doganore Shqiptare në të njëjtin nivel me ato Europiane për nga thjeshtëzimi i procedurave doganore.

Projekti i tretë me Bankën Botërore është realizimi i Pikës së Përbashkët Doganore Maqedoninë e Veriut atë Qafë Thanës për realizimin e procedurës me një ndalesë “One Stop Shop” me synim lehtësimin e procedurave doganore në import dhe eksport nga të dy anët e kufirit.