Mbi takimin e Drejtorit të Përgjithshëm të Doganave z. Genti Gazheli me Ambasadorin e Serbisë në Tiranë z. Slobodan VUKČEVIĆ (Publikuar dt. 05/05/2022)

Drejtori i Përgjithshëm i Doganave z. Genti Gazheli priti në takim sot Ambasadorin e Serbisë në Tiranë z. Slobodan VUKČEVIĆ.
Tema kryesore e diskutimeve ishte bashkëpunimi në fushën e doganave në kuadër të nismës “Ballkan i hapur” dhe nismave të tjera rajonale.
Mes Shqipërisë dhe Serbisë janë nënshkruar disa marrëveshje, një nga të cilat është edhe për njohjen reciproke të Operatorëve të Autorizuar Ekonomikë që mundëson lehtësira në eksportet dhe importet mes dy vendeve. 
Në fjalën e tij Z. Gazheli u shpreh se nisma Ballkanit të hapur, e cila mbështetet dhe nga SHBA e BE, ka dhënë efekte në ekonominë reale pasi gjatë kësaj periudhe sfiduese është mundësuar importi i grurit nga Serbia në Shqipëri ndërkohë që biznesi serb po vlerëson  Portin e Durrësit për importin e karburanteve dhe mallrave të tjerë.
Ambasadori z.Vukcevic vlerësoi bashkëpunimin mes dy Administratave Doganore të Shqipërisë dhe Serbisë dhe rritjen e shkëmbimeve tregtare mes dy vendeve, sidomos në fushën e bujqësisë.
Për vitin 2021, volumi tregëtar i shkëmbimeve me  Serbinë ka qenë 505 293 Ton me një vlerë prej 37 936 mln lekë ose 309 mln Euro.
Kryesisht nga Shqipëria drejt Serbisë gjatë vitit 2021 janë eksportuar; Çimento, Energji elektrike, elemente  kimike; zarzavate  te ndryshme, shufra dhe shkopinj te tjere prej gize etj ndërkohë janë importuar energji elektrike; miser; grurë, uje mineral etj.