Projekti per blerjen e makinave te specializuara të Antikontrabandës

Shërbimi Doganor ka përgatitur strategji dhe plane të detajuara të cilat konsistojnë në arritjen e disa objektivave, një prej të cilave është: “Angazhimi intensiv i shërbimit doganor në mbrojtjen e sigurisë, në luftën kundër trafikut të drogës, armëve, makinave të vjedhura, qënieve njerëzore, etj”.

Në Nëntor 2014, Delegacion i BE-së kontraktoi kompaninë fituese për të realizuar modernizimin e Drejtorisë se Anti-Kontrabandes nëpërmjet sigurimit të 8 makinave të specializuara për kontrollet në lëvizje të pajisura me paisje profesionale kontrolli dhe mjete të specializuara operacionale.

Qëllimi i kësaj Kontrate ishte përmirësimi i kapacitetit teknik dhe operativ të Drejtorisë së Anti-kontrabandës në përputhje me Strategjinë e Doganës dhe planet e specifikuara duke siguruar prezencen e skuadrave të anti-kontrabandës në zonat me rrezikshmeri të lartë. Nëpërmjet këtyre makinave, të cilat do të përdorin pajisje të avancuara do të mundesohen pika kontrolli autonome dhe eficiente të dokumentave dhe mallrave duke përmbushur në këtë mënyre edhe një nga rekomandimet në Raport Progresin e BE-së për Doganat.

Ne Dhjetor te vitit 2016 u mundësua marrja në dorëzim te 8 makinave të anti-kontrabandës dhe pajisjeve të tyre nëpërmjet një ceremonie të organizuar ne ambjentet e Degës Doganore Tiranë si dhe u mundesua realizimi i trajnimit te specialistëve të Anti- kontrabandës mbi përdorimin e makinave dhe pajisjeve specifike të instaluara në to.

Tashmë, Kontrata në fjalë mund të konsiderohet si e realizuar me sukses dhe makinat jane vënë në shërbim të punës së Drejtorisë se Anti- Kontrabandës.

Kosto totale: 696,400 Euro (* BE).
Kohëzgjatje: 2 vjet
Zbatues: Kompania Turke Ulkem Ins.