Dogana 2020

Pjesëmarrje në Programin e DG TAXUD “Doganat 2020”.

Më datë 22 Korrik 2014 është nënshkruar Marrëveshja midis Republikës së Shqiperisë dhe Komisionit Europian për pjesëmarrjen e Shqipërisë në programin “Doganat 2020" i cili ka një shtrirje kohore prej 1 Prill 2014 deri ne 31 Mars 2020.

Kjo Marrëveshjemidis Drejtorit të Përgjithshëm të Doganave dhe Drejtorit të DG TAXUD është ratifikuar më pas me anë të Ligjit nr, 184/2014, datë 24.12.2014. 

Objektivi i përgjithshëm i Programit është të mbështesë funksionimin dhe modernizimin e Bashkimit Doganor në menyrë që të forcohet tregu i brendshëm nëpërmjet bashkëpunimit midis shteteve pjesëmarrëse, autoriteteve të tyre doganore dhe zyrtarëve të tyre.

Pjesëmarrja në Programin “Doganat 2020” do të vijoje të ketë ndikim në perforcimin e bashkëpunimit me shetetet e tjetra të BE - së që marrin pjesë në këtë program. Ai përbën një mjet të rëndësishëm për të krijuar rrjetin e profesionisteve nga shtetet e ndryshme të BE - së, të cilët i sigurojnë Administratës sonë njohuritë specifike teknike dhe shkëmbimin e ekspertizës në: identifikimin, zhvillimin dhe aplikimin e praktikave më të mira në të gjitha fushat e proceseve doganore.

Nëpërmjet këtij programi sigurohet gjithashtu edhe përgatitja e shteteve potencialisht kandidate për aderim, nëpërmjet shkëmbimit të experiencës dhe njohurive me administratat doganore të këtyre shteteve. Pjesëmarrjen në këtë Program shihet si një mjet mbështetës të aplikimit tonë për anëtarësimin në BE.
Pjesëmarrës në këtë program (dhe programin paraardhes Doganat 2013) nga vëndet kandidate dhe kandidate të mundëshme si FYROM, Serbia, Turqia, Malit i Zi si dhe që prej prillit të 2013 edhe Shqipëria.

Sipas Marrëveshjes, Shqipëria paguan një kontribut vjetor “entry ticket” për të marrë pjesë në aktivitetet e programit Doganat 2020, e cila me kërkesë të Administratës Doganore është bërë e mundur që detyrimi financiar i Qeverisë Shqiptare të rimbursohet nga fondet IPA në masën 80%.

Programi Doganat 2020 menaxhohet nëpërmjet një Koordinatori i cili asistohet nga nje grup i caktuar ekspertësh si psh korrespondenti financiar apo koordinatori për vizitat e punës etj. Po ashtu, një Drejtues i Larte i DPD është Përfaqësues i Komitetit Drejtues të Programit dhe merr pjesë (si vëzhgues në rastin e Shqipërisë) në mbledhjet vjetore ku diskutohen politikat e reja dhe arritjet e Programit.

Përfaqësuesit e ADSH-së në këtë Program përfshihen drejtpërdrejt në rrjetin e komunikimit me DG TAXUD dhe shtetet anëtare.
Për vitin 2016 është mundësuar pjesëmarrja e zyrtarëve të ADSH-së në aktivitete të organizuara nga DG TAXUD si dhe ka mundësuar vizita të ndryshme pune në fushat e Analizës së Riskut dhe Monitorimit, Mbrojtjes së Pronesisë Intelektuale, Laboratorit Doganor dhe sistemeve të TI, duke forcuar kështu bashkëpunimin me shtetet anëtare të Programit nëpërmjet shkëmimit të eksperiencës dhe njohurive me administatat doganore të tyre.