Projekti NCTS

Përgatitja e ADSH në lidhje me ndërveprimin e sistemit të tranzitit me NCTS të BE-së.

Projekti i Binjakezimit nga IPA 2012:

Përgatitja e ADSH nga pikëpamja legjislative dhe proceduriale në lidhje me ndërveprimin e sistemit të tranzitit me NCTS të BE-së dhe për të rritur kapacitetet administrative për zbatimin e ligjit dhe inteligjencën.

Ky projekt binjakëzimi shënon hapin e parë drejt përgatitjes së Shqiperisë për zbatimin e sistemit NCTS. Nëpermjet këtij Projekti binjakëzimi po sigurohet asistencë teknike, vec të tjerave, për evidentimin e mangësive dhe nevojave të DPD-së në fushën e Tranzitit të Përbashkët të Komunitetit, draftimin e legjislacionit akteve nënligjore apo dispozitave zbatuese, krijimin e skemës së menaxhimit dhe mirëmbajtjes së sistemit NCTS - New Computerized Transit System (Sistemi i Ri i Kompiuterizuar i Tranzitit), skemë e cila më pas do të miratohet nga Qeveria Shqiptare.

Në ditën e aderimit në BE, aplikacioni nacional i tranzitit duhet të jetë plotësisht në përputhje me NCTS. Kjo gjë nënkupton se në ditën e aderimit, të gjitha masat ligjore që lidhen me tranzitin (legjislacioni bazë dhe aktet nënigjore) duhet të jenë në fuqi, sistemi i TI plotësisht i testuar në mënyrë nacionale dhe ndërkombëtare dhe të paktën tregtarët me status i autorizuar si dërgues/marrës i ngarkesës të jenë të lidhur me fushën e jashtme të NCTS kombëtar.

Për më tepër Shqipëria planifikon që të aderojë në Konventën e Tranzitit të Përbashkët para aderimit në BE, gjë e cila në princip kërkon të plotësohen të njejtat kushte si për Tranzitin e Komunitetit si në ditën e aderimit në BE.

Sipas Strategjisë së ADSH-se aderimi në CTC- Common Transit Convention është prioritet për komponentët e Tregtisë dhe IT. Zhvillimi i NCTS si prioritet do të lejojë të arrihet ky objektiv strategjik madje përpara aderimit të plotë në BE.

Me 10 mars 2016 është organizuar Ceremonia e Hapjes Zyrtare të Projektit të Binjakezimit “Modernizimi i ADSH-së - Përgatitja e ADSH nga pikëpamja legjislative dhe proceduriale në lidhje me ndërveprimin e sistemit të tranzitit me NCTS te BE-së”. Në këtë ceremoni morën pjesë përfaqësues nga Delegacioni i BE-së në Shqipëri, përfaqësues të Ambasadave Italiane dhe Francës si dhe të Administratave Doganore përkatëse si dhe zv.Ministri i Financave.

Ky projekt po zhvillohet normalisht sipas axhendes së Kontratës. Deri tani jane realizuar gjithsej 37 aktivitete për komponentin 1 (Legjislacioni Doganor dhe Procedurat që lidhen me ndërveprimin e sistemit të TI me sistemin NCTS të BE-së), dhe 19 aktivitete për komponentin 2 (Zbatimi dhe Inteligjenca në Tranzitin Doganor).

Drejtoritë e DPD-se të cilat janë të angazhuara/përfituese të drejtpërdrejta nga Projekti dhe që ndjekin apo bashkëpunojnë në zbatimin e tij janë: Departamenti Administrativ, Departamenti Teknik, Drejtoria Juridike, Drejtoria e Proçedurave, Drejtoria e TI.

Së fundmi rejtoria e Përgjithshme e Doganave zhvilloi një takim ndërgjegjësimi në kuadër të Projektit të binjakëzimit dhe gjatë takimit u prezantuan nga ekspertët e Administratës Shqiptare ashtu si dhe nga ekspertët e Projektit të binjakëzimit avantazhet dhe lehtësirat që do të sjellë procedura e tranzitit të përbashkët për biznesin si dhe përfitimet nga marrja e statusit të OEA.

Kosto totale: 1,8 MEuro (* BE).
Kohëzgjatje: 2 vjet.
Zbatues: Konsociumi i Administratës Doganore Italiane dhe Franceze.