Projekti ITMS

Sistemi i menaxhimit të Tarifave të Integruara të BE-së

Administrata Doganore Shqiptare synon të vlerësojë përmbushjen e kushteve të Ndërlidhjes dhe Ndërveprimit me sistemet TI të BE-së.

Sistemi Nacional i Tarifes duhet të jetë i përputhshëm me TARIC të BE - së dhe gati për përdorim përpara aderimit të Shqipërisë në BE.

Për këtë qëllim, janë konceptuar dhe miratuar dy projekte nga IPA 2013:

• Projekti i Binjakëzimit në fjalë me vlere 1.8 MEuro për Pergatitjen e ADSH-se per Sistemin e Menaxhimit të Tarifave të Integruara të BE-së (ITMS),
• Projekti i Kontrates se Asistences Teknike për Zhvillimin e Sistemit Nacional të kompiuterizuar të menaxhimit të tarifes (ITMS), plotësisht në përputhje me ITMS e BE-së me kosto totale 2,1 MEuro (* BE) dhe kohëzgjatje 3 vjet.

PËRSHKRIMI I PROJEKTIT TË BINJAKËZIMIT

Projekti i binjakëzimit (PB), financuar nga Bashkimi Evropian (BE) nëpërmjet programit IPA 2013, do të kontribuojë në përcaktimin e të gjitha nismave për Sistemet e Menaxhimit të Tarifave të Integruara të BE-së (ITMS) duke vendosur përkufizimet ligjore dhe aplikacionet e TI –së ( teknologjisë së informacionit) për adoptimin e standarteve të BE-së në sistemin Shqiptar të tarifimit.

Objektivi i përgjithshëm i projektit të binjakëzimit ITMS është përgatitja e bazës ligjore dhe proceduriale për miratimin në Shqipëri të “Tarifave të Përbashkëta Doganore”(TPD), të cilat aplikohen për importin e mallrave përtej kufijve të jashtëm të BE-së.

Qëllimi i Projektit është dhënia e asistencës për Administratën Doganore Shqiptare (ADSH) në forcimin e kapaciteteve të saj administrative në fushën e tarifave doganore në përputhje me Blueprintet doganore të BE-së. Harmonizimi i legjislacionit dhe procedurave doganore me acquis te BE-se nga pikepamja e ndërveprimit te sistemeve të TI me sistemin ITMS të BE-së.

Realizimi i projektit do të arrihet me anë të:

• Zbatimit të modeleve me te mira menaxheriale dhe operative të rekomanduara nga Bluprintet Doganore të BE-së dhe nga kuadri i standarteve te Organizates Botërore e Doganave (OBD) për Sigurimin dhe Lehtësimin e Tregtisë (SAFE)
• Zgjerimit e kapaciteteve të burimeve njerëzore;
• Shkëmbimit të vazhdueshëm të informacionit dhe njohurive, në të gjithë sektorët TP, me qëllim përmirësimin e standarteve operative dhe zbatimin e politikave që kanë për qëllim arritjen e cilësisë më të lartë të sistemeve dhe procedurave.

Aktivitetet e PB-së do të zbatohen në tre komponentë (legjislacioni; proceset e biznesit TI; organizim, trajnim dhe komunikim) si dhe do te bazohen në rezultatet dhe eksperiencat e projekteve të financuara nga BE që janë zbatuar më parë apo po zbatohen në këtë periudhë.

Buxheti dhe Kohëzgjatja

Buxheti i plotë i akorduar për PB-në është 1.800.000 €. Kohëzgjatja e parashikuar është 24 muaj, duke filluar nga mesi i muajit Mars 2017.