Internship

Stazhi Profesional (Internship)

• Në bashkëpunim me Ministrinë e Mirëqenies Sociale dhe Rinisë, prej dy vitesh tashmë është zhvilluar programi për kryerjen e Stazhit Profesional, nëpërmjet të cilit janë përzgjedhur studentë për të kryer praktikën në fusha të ndryshme të Administratës Doganore dhe në Degë Doganore. Për këtë program janë ftuar të aplikojnë studentë të motivuar dhe të talentuar të interesuar të fitojnë eksperiencë profesionale në fusha të ndryshme të administratës doganore, duke u integruar në aktivitetet e përditshme administrative dhe operacionale të Institucionit tonë.
• Bazuar në kërkesat e Universiteteve Publike dhe Private, në Drejtorinë e Përgjithshme të Doganave kryejnë praktikat profesionale studentë të ndryshëm të ciklit të studimeve bachelor, master profesional apo shkencor. Për vetë shtrirjen territoriale të Institucionit tonë, studentëve ju mundësohet zhvillimi i praktikave, si në Drejtorinë e Përgjithshme të Doganave në Tiranë, ashtu edhe në të 17 Degët e saj Doganore.