Lehtësira dhe Përjashtime > Përjashtime nga TVSH e importit >
Përjashtime për makineri bujqësore
Importimi i makinerive bujqësore
Personat e tatueshëm të cilët do të importojnë makineri dhe pajisje për këtë rast duhet të paraqesin në Degën Doganore përkatëse dokumentet, si më poshtë vijon:
Në rastin kur është fermer:
një kërkesë me shkrim, kur kryhen veprime për herë të parë pranë autoriteteve doganore së cilës i bashkëngjitet edhe një fotokopje e certifikatës së NUIS/NIPT-it me të cilën fermeri është pajisur nga Drejtoria Rajonale Tatimore, e cila tregon se importuesi është fermer;
kopje të aktit të pronësisë apo të marrjes me qira të tokës;
të dhëna për llojin dhe sasinë e makinave që do të importohen me kodet tarifore përkatëse dhe për periudhën e importimit;
Deklaratë e personit të tatueshëm që makineria apo pajisja, për të cilën kërkohet përjashtimi, nuk është importuar për qëllime shitjeje.”.
Në rastin e tatimpaguesve të tjerë:
një kërkesë me shkrim, së cilës, kur kryhen veprime për herë të parë pranë autoriteteve doganore, i bashkëngjitet edhe një fotokopje e certifikatës së NUIS/NIPT-it;
vërtetim nga Drejtoria Rajonale Tatimore se importuesi është person i tatueshëm;
kopje të ekstraktit të QKR-së;
të dhëna për llojin dhe sasinë e makinerive bujqësore që do të importohen me kodet tarifore përkatëse.
Për më shumë informacion mbi legjislacionin referohuni në linkun e mëposhtëm
