Pullat fiskale

“Pullat fiskale” janë dokument me vlerë dhe është monopol shtetëror. Koncesionari i porositjes dhe prodhimit të pullave është “SICPA”

Pullat e akcizës vendosen në produktet e akcizës në momentin e hedhjes për konsum. Kodet e sigurisë printohen dhe pullat e akcizës do të aplikohen direkt mbi produktet përkatëse, gjatë prodhimit në linjat plotësisht të automatizuara të mbushjes nga prodhuesit në shkallë të madhe, apo nga ata importues të birrës apo pijeve të tjera alkoolike, që janë autorizuar nga Drejtoria e Përgjithshme e Doganave. Vlera e detyrimit të akcizës garantohet në momentin e blerjes së pullave dhe paguhet në momentin e hedhjes për konsum.

“Aplikimi për pulla fiskale” subjekti importues apo stokues/prodhues të cilët operojnë me produkte akcize aplikojnë në Drejtorinë e Përgjithshme të Doganave për tu pajisur me kredencialet e nevojshme në sistemin elektronik të SICPA (Koncesionari) të cilat gjenerohen elektronikisht. Këto kredenciale i vihen në dispozicion operatorit pas plotësimit të formatit (Bashkëngjitur) të porositjes së pullave.

Kerkesa shoqërohet me një garanci që mbulon 100% të detyrimit të akcizës (për sasinë e pullave të pororsitura) dhe një raport të operatorit për gjendjen e pullave fiskale.

Operatori kryen porosinë e pullave fiskale për produktet që operon nëpërmjet faqes së webit SICPA https://sss.financa.gov.al

• Miratimi i porosisë nga autoriteti doganor kryhet brenda 48 orëve.
• Prodhimi i pullave fiskale kryhet nga koncesionari i pullave fiskale.
• Pagesa e pullave kryhet nga operatori në koncesionarin e pullave fiskale.

Llogaritja e detyrimit të akcizës dhe vlera e pullave fiskale kryhet sipas shtojcës nr. 1 të ligjit 61/2012 “Për Akcizat në RSH, i ndryshuar”.