Provat e origjinës

Dokumentet të cilat vërtetojnë Origjinën e mallrave

• EUR.1
• EUR.1 (CEFTA)
• Deklarata faturë
• Deklarata faturë (CEFTA)
• Certifikata e origjinës Forma A
• Certifikata e origjinës
• Deklarata e origjinës sipas rregullave kalimtare të origjinës së zonës pan-Euro-Mesdhetare (PEM) dhe Konventës PEM

EUR.1 është një dokument që verteton origjinën preferenciale të mallrave me origjinë nga vendet e BE, vendet EFTA, Turqia të cilat importohen në Shqipëri, apo eksportohen nga Shqipëria drejt këtyre vendeve me qëllim përfitimin e trajtimit preferencial. Kjo certifikatë lëshohet nga autoritetet doganore pranë së cilës paraqitet deklarata doganore e eksportit, mbi bazën e aplikimit të bërë me shkrim nga eksportuesi, apo përfaqësuesi i tij zyrtar.

EUR.1 (CEFTA) është dokument që vërteton origjinën preferenciale të mallrave me origjinë nga vendet CEFTA të cilat importohen në Shqiperi, apo eksportohen nga Shqiperia drejt këtyre vendeve me qëllim përfitimin e trajtimit preferencial në rastet kur zbatohet kumulimi diagonal me Turqinë apo në disa raste edhe me vendet EFTA (shih Matricën e kumulimit). Kjo certifikatë lëshohet nga autoritetet doganore pranë së cilës paraqitet deklarata doganore e eksportit, mbi bazën e aplikimit të bërë me shkrim nga eksportuesi, apo përfaqësuesi i tij zyrtar.

Deklarata faturë eshte dokument që vërteton origjinën preferenciale të mallrave me origjinë nga vendet e BE, vendet EFTA, Turqia të cilat importohen në Shqipëri, apo eksportohen nga Shqiperia drejt këtyre vendeve me qellim përfitimin e trajtimit preferencial. Deklarata Faturë mund të leshohet nga një eksportues i miratuar, i cili pajiset nga autoritetet doganore me një numer autorizimi doganor, apo nga nje eksportues i një dërgese, vlera totale e të cilave nuk i kalon 6000 €.

Deklarata faturë (CEFTA) është dokument që vërteton origjinën preferenciale të mallrave me origjinë nga vendet CEFTA të cilat importohen në Shqipëri, apo eksportohen nga Shqiperia drejt këtyre vendeve me qëllim perfitimin e trajtimit preferencial në rastet kur zbatohet kumulimi diagonal me Turqinë apo në disa raste edhe me vendet EFTA (shih Matricen e kumulimit). Deklarata Faturë mund të lëshohet nga një eksportues i miratuar, i cili pajiset nga autoritetet doganore me një numër autorizimi doganor, apo nga një eksportues i një dërgese, vlera totale e të cilave nuk i kalon 6000 €.

Certifikata e origjinës Forma A është dokument që vërteton origjinën preferenciale shqiptare të mallrave që eksportohen në vendet të cilat i kanë dhënë preferencë Shqipërisë si vend në zhvillim mbi bazën e Sistemit të Përgjithshëm të Preferencave (GSP). Kjo certifikatë lëshohet nga autoritetet doganore pranë së cilës paraqitet deklarata doganore e eksportit, mbi bazën e kërkesës me shkrim nga eksportuesi.

Certifikata e origjinës është dokument që vërteton origjinën jopreferenciale të mallrave. Certifikata e origjinës lëshohet nga Dhoma e Tregtisë mbi bazën e një kërkese me shkrim nga personi i interesuar.

Bazuar në Udhëzimin nr. 10693/2, datë 01.07.2019 “Për përcaktimin e tarifave për kryerjen e shërbimeve të veçanta dhe administrimin e tyre nga autoritetet doganore”, pajisja me Certifikata lëvizëse EUR.1 dhe Forma A është pa pagesë.