Informacioni i Detyrueshëm Tarifor (IDT)

Autoritetet doganore japin informacion mbi zbatimin e legjislacionit doganor, përfshirë edhe klasifikimin e mallrave. Në rastin e klasifikimit tarifor të mallrave, ai është i detyrueshme vetëm nëse lëshohet brenda kuadrit të IDT.

Lëshimi i një vendimi IDT është pa pagesë, megjithatë, në përputhje me Kodin Doganor mund të vendosen tarifa lidhur me analiza ose raporte të ekspertëve për mallra dhe tarifa postare me qëllim kthimin e mallrave tek aplikuesi i IDT.

• Aplikimi për IDT bëhet duke plotësuar formularin e mëposhtëm në Drejtorinë e Përgjithshme të Doganave.
• Aplikimet për IDT duhet të lidhen me një produkt. Mallrat të cilat kanë karakteristika të ngjashme mund të pranohen si një produkt, me kusht që dallimet të jenë të parëndësishme për qëllimet e përcaktimit të klasifikimit të tyre tarifor, p.sh.’ vazo balte për lule’ me dimensione të ndryshme.
• Përgjegjësia për të siguruar të gjithë informacionin e nevojshëm për klasifikimin e mallrave është e aplikuesit të IDT.
• Vendimi për IDT duhet t’i njoftohet aplikuesit brenda 120 ditë nga data e pranimit të aplikimit dhe periudha e vlefshmërisë për një vendim IDT është tre vjet.

Kujdes!

Informacioni i Detyrueshëm Tarifor( IDT) është i vlefshëm pas lëshimit të tij dhe i detyrueshëm si për administratën doganore dhe për mbajtësin e tij.

Për më shumë informacion, mund të na shkruani në s_tarifa@dogana.gov.al