Sendet personale të fituara nëpërmjet trashëgimisë, nga një individ me vendbanim të zakonshëm në territorin doganor të Republikës së Shqipërisë, lejohet të importohen me përjashtim nga detyrimet e importit.
Kriteret për të përfituar përjashtim:
Përfituesit të cilët janë individë ose persona juridikë që merren me aktivitet jofitimprurës, duhet të jenë me vendbanim të zakonshëm në territorin doganor të Republikës së Shqipërisë;
Afatet kohore për të përfituar përjashtim:
Mallrat duhet të importohen brenda dy viteve nga data në të cilën i interesuari fiton të drejtën e pronësisë mbi këto sende (ndarja përfundimtare e trashëgimisë).
Kushtëzime
Sendet personale mund të importohen në disa dërgesa të veçanta brenda afatit të mësipërm.
Nuk përfitojnë përjashtim:
a) produktet alkoolike;
b) duhanin dhe produktet e duhanit;
c) mjetet e transportit tregtar;
ç) artikujt për përdorim gjatë ushtrimit të një tregtie apo profesioni, të ndryshme nga instrumentet e arteve të aplikuara ose të lira, të cilat i nevojiteshin trashëgimlënësit për ushtrimin e tregtisë ose të profesionit;
d) stoqet e lëndëve të para dhe produkteve ose gjysmëprodukteve;
dh) stoqet e produkte bujqësore dhe blegtorale, përfshi bagëtitë, që kalojnë sasitë e përshtatshme për nevoja të përdorimit familjar Neni 112
