Drejtoria e Kontrollit Pas Zhdoganimit i ushtron fuksionet, detyrat dhe kompentencat e saj bazuar ne Kodin Doganor. Ky instrument kontrolli i autoritetit doganor kryhet me nismë të institucionit ose me kërkesë të deklaruesit i cili mund të korrigjojnë deklaratën doganore pas çlirimit të mallrave.
Autoritetet doganore, pasi të kenë lejuar çlirimin e mallrave dhe me qëllim sigurimin e saktësisë të së dhënave të deklaratës doganore, mund të verifikojnë dokumentet tregtare dhe të dhënat që lidhen me veprimet e importit e të eksportit, si dhe veprimet e mëtejshme tregtare që kanë të bëjnë me këto mallra. Ky verifikim mund të kryhet në mjediset e deklaruesit ose të çdo personi, drejtpërdrejt ose tërthorazi, të përfshirë në veprimet e mësipërme për arsye të veprimtarisë së tij profesionale, ose të çdo personi tjetër në zotërim të të cilit janë dokumentet e të dhënat e mësipërme për qëllime tregtie. Autoritetet doganore mund të kontrollojnë edhe mallrat, kur paraqitja në doganë e tyre është ende e mundur.
Kur rishikimi i deklaratës doganore ose verifikimi i saj pas çlirimit të mallrave tregon se dispozitat për regjimet doganore në fjalë janë zbatuar në bazë informacionesh të pasakta e të paplota, autoritetet doganore, veç zbatimit të sanksioneve të parashikuara në Kodin Doganor marrin masat e nevojshme për të rregulluar situatën, duke u mbështetur në informacionin e ri që disponojnë.
