Lejohen hyrjet dhe daljet në territorin e Republikës së Shqipërisë të armëve të kategorive “B” dhe “C”, të municioneve të tyre, për veprimtarinë e tregtimit, importit, eksportit, të gjuetisë, qitjes sportive, vetëm me autorizim të lëshuar nga organi përgjegjës i Policisë së Shtetit.
Shtetasit e huaj, kanë të drejtë të hyjnë me armë zjarri në territorin e Republikës së Shqipërisë, vetëm pasi të pajisen me autorizim të përkohshëm, të lëshuar nga organi përgjegjës i Policisë së Shtetit.
Kujdes!
Nëse ju veproni në kundërshtim me dispozitat e Ligjit nr.74, datë 10.07.2014 “Për armët” dhe të akteve nënligjore në zbatim të tij, kur veprimet e tyre përkatëse nuk përbëjnë vepër penale, atëherë ju jeni përgjegjës për kundërvajtje administrative.
