Projekti PEN-CP

ADSH është përfshirë në propozimin e Shoqatës Kërkimore të Bashkëpunimit Ndërkufitar me seli në Lozanë, Zvicër në kuadër të Programit të BE-së Horizon 2020, si pjesë e Konsorciumit të Rrjetit Pan-Europian të Profesionistëve Doganorë PEN-CP (Pan-European Network of Customs Practicioners consortium) së bashku me 13 administrata doganore evropiane partnere si Austria, Belgjika, Estonia, Hungaria, Irlanda, Letonia, Lituania, Maqedonia, Hollanda, Norvegjia, Sllovakia, Turqia, UK dhe Shqipëria, të mbështetura nga 4 partnerë në fushën e kërkimit dhe inovacionit.  PEN-CP paraqet një network me kohëzgjatje 5-vjeçare (për periudhën 2018 -2022).

Në janar 2018 KE njoftoi se propozimi i PEN-CP u shpall fitues gjatë vlerësimit dhe eshte vijuar me përgatitjen e Marrëveshjes së Grantit. Kosto totale e grantit të KE për këtë Projekt është 3,496 MEuro nga e cila ADSH do të përfitojë një shumë prej 42.937 Euro.

Marrëveshja e Grantit (NUMBER - 786773 - PEN-CP) eshte nenshkruar midis BE-së dhe 17 partnerëve ne Qershor 2018 dhe Projekti ka filluar zbatimin ne Tetor 2018.