Misioni

Misioni 

Autoritetet doganore kanë si përgjegjësi kryesore mbikëqyrjen e tregtisë ndërkombëtare të Republikës së Shqipërisë, duke kontribuar për tregtinë e hapur e të drejtë në zbatim të politikave tregtare dhe atyre të sektorëve të tjerë të ekonomisë shqiptare, që ndikojnë në tregti dhe në sigurinë e të gjithë zinxhirit tregtar dhe për këtë qëllim Autoritetet doganore synojnë mbrojtjen e interesave financiarë dhe mjedisorë të Republikës së Shqipërisë nga tregtia e padrejtë dhe e paligjshme, duke mbështetur ndërkohë aktivitetin e ligjshëm të biznesit; garantimin e  sigurisë e të mbrojtjes së Republikës së Shqipërisë dhe të banorëve të saj, si dhe mbrojtjes së mjedisit e, kur është e nevojshme, në bashkëpunim të ngushtë me autoritetet e tjera; mbajtjen e balancës së duhur ndërmjet kontrolleve doganore dhe lehtësimit të tregtisë së ligjshme.

Doganat shqiptare, për përmbushjen e Misionit të saj, përcaktojnë parimet strategjikë si më poshtë:

• Parimi i mbrojtjes së shoqërisë dhe interesave financiarë të Republikës së Shqipërisë;
• Parimi i mbështetjes së konkurrueshmërisë së kompanive shqiptare; 
• Parimi i lehtësimit të mëtejshëm të tregtisë së ligjshme;
• Parimi i kontrollit dhe menaxhimit të zinxhirit të furnizimit të përdorur për lëvizjen ndërkombëtare të mallrave;
• Parimi i bashkëpunimit, duke mbajtur, zhvilluar dhe shtuar marrëdhëniet e ndërsjella ndërmjet autoriteteve doganore dhe agjencive të tjera qeveritare dhe ndërmjet autoriteteve doganore dhe komunitetit të biznesit;

Vizioni

Vizioni i Administratës Doganore Shqiptare është, të jetë:

• në harmoni të plotë me standardet dhe praktikat më të mira të BE - së
• një institucion publik modern, profesional, i paanshëm, i ndershëm, i besueshëm dhe i pakorruptuar
• një partner mbështetës i komunitetit tregtar dhe ruajtës efikas i shoqërisë dhe zinxhirit të furnizimit