Lehtësira dhe Përjashtime > Thjeshtime Doganore >
1. Zhdoganimi Lokal
“Zhdoganimi lokal” është një procedurë e thjeshtuar doganore nëpërmjet së cilës një operator ekonomik mund të autorizohet për të kryer procedurat e zhdoganimit te mallrave në ambientet e tij apo në një ambient tjetër të autorizuar pa kryer formalitetet doganore në zyrë doganore.
Aktualisht e kanë përfituar këtë thjeshtim 7 operatorë ekonomikë të cilët kanë plotësuar kriteret e përcaktuara.
Funksionimi i procedurave të thjeshtuara kërkon angazhim jo vetëm të administratës doganore por edhe të vetë operatorëve ekonomikë dhe kryesisht kërkon kualifikim profesional në fushën doganore.
Në Bashkimin Europian, procedura e zhdoganimit lokal është kthyer në zhdoganim standard, ndërsa zhdoganimi pranë zyrës doganore është tashmë përjashtim.
Duhet të përmbushen disa kushte:
garantimi i nevojshëm për kryerjen e operacioneve në mënyrë të saktë;
paraqitja e garancisë
ambjent i miratuar për magazinim të përkohshëm etj.
2. Zhdoganim i centralizuar
Operatori ekonomik autorizohet të depozitojë në një zyrë doganore deklaratën doganore doganore për mallrat të cilat paraqiten në një zyrë tjetër doganore brenda territorit të doganor:
Me zhdoganimin të centralizuar, mund të zgjidhni një zyrë doganore si pikë kontakti të vetme për formalitetet ndërkohë që mallrat paraqiten fizikisht në çdo tjetër zyrë doganore hyrëse të territorit doganor, duke mundësuar thjeshtim dhe lehtësim të procedurave, ulje të kohës dhe shpenzimeve në transport, si dhe rritje të efektivitetit në shpërndarjen e mallrave.
3. Deklarime të thjeshtuara (të paplota):
Operatori ekonomik autorizohet të kryejë procedurat e zhdoganimit të mallrave duke depozituar një deklaratë të paplotë dhe më pas (brënda një periudhe të përcaktuar) të depozitojë deklaratën plotësuese për këto mallra.
Deklarata e paplotë nuk përmban të gjitha të dhënat e kërkuara apo nuk shoqërohet nga të gjitha dokumentet e nevojshme për atë proçedurë doganore.
Deklarimet duhet të paraqiten në rrugë elektronike në mënyrë që të kryhen analiza risku.
Kushtëzohet nga sigurimi i një garancie për detyrimet e importit dhe pagesat e tjera;
4. Hyrje në regjistrat e deklaruesit
Operatori ekonomik autorizohet të depozitojë një deklaratë doganore, përfshirë një deklaratë të thjeshtuar, në formën e një hyrjeje në regjistrimet e deklaruesit, , me kusht që këto të dhëna të jenë në dispozicion të autoriteteve doganore në kohën kur depozitohet deklarata doganore në formën e një hyrjeje në sistemin elektronik të deklaruesit.
5. Vetëvlersimi
Autoritetet doganore, përkundrejt një aplikimi, mund të autorizojnë një operator ekonomik të kryejë disa formalitete doganore, që normalisht kryhen nga autoritetet doganore, të përcaktojnë shumën e detyrimeve të importit dhe eksportit për t’u paguar dhe të kryejnë disa kontrolle nën mbikëqyrjen doganore.