Hyrja dhe dalja e mallrave

Mallrat hyjnë/dalin në/nga teritori doganor shqiptar nga/në një vend të huaj në rrugë:

Tokësore: Mallrat i nënshtrohen mbikëqyrjes doganore që nga çasti i hyrjes në territorin shqiptar. Këto mallra duhet të dërgohen pa humbur kohë nga personi që i transporton ato:

a)  në zyrën doganore të caktuar nga autoritetet doganore ose në cilindo vend tjetër të caktuar ose miratuar prej tyre; ose
b) në një zonë të lirë, nëse mallrat duhen të futen në atë zonë të lirë drejtpërsëdrejti me rruge ujore, ajrore ose tokësore.

Rrugë ajrore të përcaktuara nga autoritetet përgjegjëse për trafikun ndërkombëtar, dhe mund të ulen e të ngrihen nga aeroportet ndërkombëtare të miratuara për trafik ajror me vendet e huaja.

Mjetet lundruese, të cilat transportojnë mallra që hyjnë ose dalin nga territori doganor i Republikës së Shqipërisë dhe që lundrojnë në zonën doganore kufitare në det, liqene e lumenj të lundrueshëm, duhet të kenë në bord manifestin e mallrave.

Hekurudhore, e cila lejohet vetëm nepërmjet Shoqërise hekurudhore që pranon të fusë në territorin doganor mallra të shoqëruara me një dokument dorëzimi, dhe është organi përgjegjës për kryerjen e formaliteteve doganore përkatëse.

Baza ligjore:

Hyrja e mallrave:

a)  Deklarimi përmbledhës i parambërritjes së mallrave
b) Mbërritja e mallrave
c)  Magazinimi i përkohshem i mallrave
d) Vendosja e mallrave në një regjim doganor
e)  Çlirimi i mallrave

Ligji 102/2014, datë 31.07.2014 “Kodi Doganor në Republikën e Shqipërisë”, nenet 119 deri 160 dhe 169 deri 181.

VKM nr. 651, datë 10.11.2017 “Dispozitat Zbatuese të Kodit Doganor”, nenet 233 deri 329 dhe 349 deri 363.

Dalja e mallrave:

a)  Formalitete para daljes së mallrave
b) Formalitete e daljes së mallrave
c)  Eksporti dhe Ri-eksporti
d) Njoftimi ri-eksportit

Ligji 102/2014, datë 31.07.2014 “Kodi Doganor në Republikën e Shqipërisë”, nenet 236 deri 249.

VKM nr. 651, datë 10.11.2017 “Dispozitat Zbatuese të Kodit Doganor”, nenet 693 deri 718.