Administrata Doganore Shqiptare merr pjesë në Seminarin Kombëtar për Zbatimin e Kontrollit të Mallrave Strategjikë të Tregëtisë

NJOFTIM PËR MEDIA

Drejtoresha e Përgjithshme e Doganave, znj. Belinda Ikonomi, përshëndeti hapjen e Seminarit Kombëtar për Zbatimin e Kontrollit të Mallrave Strategjikë të Tregëtisë.

Në këtë seminar, i cili fillloi sot dhe do të vazhdojë deri në datën 17 Nëntor,  marrin  pjesë anëtarë të stafit të Administratës Doganore Shqiptare dhe përfaqësues nga Administrata Doganore e Kosovës.

Seminari  organizohet  nga Programi për Kontrollin e Eksporteve dhe Sigurinë Kufitare (EXBS)  në bashkëpunim me Organizatën Botërore të  Doganave.

Gjatë këtij seminari do të sillet përvoja vendore e Shqipërisë dhe Kosovës, duke u përqëndruar njëkohësisht në rastet/studimet/shembujt e ndalimit për modulet e mallrave – Kimike, Biologjike, Materialet radioaktive dhe nukleare, materialet me përdorim të dyfishtë, etj.

Në fund të seminarit për pjesëmarrësit do të shpërndahen certifikata.

KABINETI